El 13 de payares de 2017 ficimos l´amagüestu nel nuesu cole. Lo primero de too fue dir a la gueta coles morgaces y la faltriquera. pero nun hubo muncha suerte.
Na clase ficimos la montera picona pa ponemos perguapos y perguapes. Y trabajamos munches coses rellacionaes cola seronda (tenemos una esposición bien guapa).
El dia 13 vieno la nuesa familia a les 12,30h pa pasar con nos una guapa xornada.
Ficimos xuegos tradicionales:
- tiru de cuerda
- firu a la rana
- los bolos
- carrera panoyes
- carrera de sacos
Pa finar la xornada tuviemos un taller d´instrumentos de la mano de Laura Ruiz, de les Pandereteres de Fitoria. Aprendiemos munches coses sobre les castañueles, el panderu, la pandereta...
Y pa finar la sesión echamos unos bailes a lo suelto y ficimos una danza perprestosa tolos asistentes al amagüestu.
Dempués de xintar un pincheo bien sabrosu nel comedor del cole, llegó la hora de les gambiotaes ¿y qué sería?, pues galletines caseres, castañes y sidra dulce.
Dexamos equí unes fotos pal recuerdu.
No hay comentarios:
Publicar un comentario